Баш ҡала хакимиәтенән хәбәр итеүҙәренсә, Телеүҙәк артында урынлашҡан ҡоролма янында биләмә тәртипкә килтерелә. Бында тиҙҙән электр уты үткәрелә һәм яҡтыртҡыстар ҡуйыла, шулай уҡ текә яр янында кәртәләр ҡорола. Һыу һурҙырғыс башняһын ҡала милкенә тапшырыу буйынса эш алып барыла. Биләмәне туристик урынға әйләндереү ҡарала. 1901 йылда төҙөлгән бина ташландыҡ хәлдә ҡала ине. Заманында бында телескоп ҡуйылған һәм обсерватория булған.
