РУВИКИ порталында 2 миллиондан ашыу мәҡәлә урынлаштырылған. Интернет-энциклопедия халыҡ араһында популярлыҡ яулай бара. “Бында дөрөҫ һәм тикшерелгән мәғлүмәт урынлаштырыла”, - ти проект мөхәррире Рөстәм Ғатауллин.
РУВИКИ интернет-энциклопедияһында Рәсәйҙә йәшәгән халыҡтар телдәрендә мәҡәләләр урынлаштырыла. Башҡорт телендә тәүге мәғлүмәт ете ай элек донъя күрҙе. Әле 65,5 мең мәҡәлә яҙылған. “Тиҙҙән уларҙы тауышландырыу эшен башларға ниәтләйбеҙ”, - тип дауам итә Рөстәм Ғатауллин.
РУВИКИ интернет-энциклопедияһын тултырыуҙа һәр кем ҡатнаша ала. Эксперттар һәм мөхәррирҙәр мәғлүмәт дөрөҫлөгөн тикшереп баҫтырыуға ҡуя.
