Өфөнөң Ағиҙел ярында мөһабәт коллонада төҙөлә. Ул Абхаз республикаһының Сухум ҡалаһында урынлашҡан архитектура ҡоролмаһының күсермәһе. “Башҡортостан Абхазияға ауыр ваҡыттарҙа ҙур ярҙам күрһәтте. 90-сы йылдарҙа беҙҙең медицина хеҙмәткәрҙәре ундағы халыҡты дауаланы. Абхаз студенттары республика вуздарында белем алды”, - ти Башҡортостан йәмәғәт палатаһы рәйесе урынбаҫары Рәмил Рәхимов.
“Ағиҙел ярында төҙөлгән коллонада халыҡтар дуҫлығын мәңгеләштерә”, - тигән фекерҙә Рәмил Рәхимов.
Башҡортостан-Абхаз дуҫлығына арналған коллонаданы 31 августа асыу ҡарала. Был көндө Өфөлә баш ҡаланың 450 йыллығына бағышланған саралар уҙғарыла.
