Кардиолог менән саф һауала сәйәхәт. Рәсәйҙә иғлан ителгән йөрәк-ҡан тамырҙары ауырыуҙарын иҫкәртеү аҙналығы сиктәрендә Республика кардиология үҙәгендә акция үтте. Дауахана пациенттары өсөн табиптар саф һауала лекция уҡыны. Биләмә буйлап йәйәүләп йөрөгән ваҡытта сирлеләр ҡыҙыҡһындырған һорауҙарға яуаптар алды. Йөрәк-ҡан тамырҙары ауырыуҙарын иҫкәртеү һәм уларҙы алдан асыҡлау ғүмерҙе ҡотҡара ала, тигән фекерҙә белгестәр. Йыш ҡына был ауырыу симптомһыҙ үтеүе ихтимал, шуға күрә даими рәүештә диспансеризацияға йөрөргә кәрәк. Табиптар йөрәк-ҡан системаһына йоғонто яһаусы көндәлек үтәлә торған яҡшы ғәҙәттәр тураһында ла оноторға ярамай, тип иҫкәртә.
