Яугирҙәргә тәғәйенләнгән кәрәк-яраҡтар 2 ай дауамында тупланған. Ауыл халҡы 30-ҙан ашыу маскировка селтәре үргән. “Яҡташтарыбыҙға шәхси посылкалар ҙа алып барабыҙ” – ти Шаран районы Ветерандар советы рәйесе Миңлефәғил Сәғитов.
Гуманитар ылауҙы район хакимиәте башлығы Марат Әхмәҙуллин оҙатып бара. “Яугирҙәр йөрәк йылыбыҙҙы тойһон. Уларҙың именлеге өсөн ҡылынған доғаларыбыҙ ҡабул булһын”, - ти Миңлеғәли Шайморатов исемендәге ирекмәндәр штабының урындағы бүлексәһе етәксеһе Алмас Зәйдуллин.
Республикала яугирҙәр өсөн гуманитар ярҙам йыйыу дауам итә. Миңлеғәли Шайморатов исемендәге ирекмәндәр штабы “Башҡортостан” полкы, Шайморатов һәм Доставалов батальондары, “Ватан” отряды өсөн кәрәк-яраҡтар тупланыуы тураһында иғлан итте. Шәхси посылкаларҙы 16 августҡа тиклем тапшырырға була. Бандеролдәр волонтерҙар штабының төбәк бүләксәләрендә ҡабул ителә.
