Өфөгә һөйөү менән. Республика милли музейында ошондай исем аҫтында фотокүргәҙмә асылды. Экспозиция Башҡортостандың баш ҡалаһының 450 йыллығына арналған. Фоторәссам Екатерина Рождественская Рәсәйҙең эстрада, театр, кино, спорт йондоҙҙары, рәссамдары һәм яҙыусыларын башҡорт сувенирҙары менән һүрәтләгән. Фотолар Өфөлә һәм Мәскәүҙә төшөрөлгән.
Республика Милли музейында билдәле фотохәбәрселәр Рәиф Баҙыҡов һәм Вячеслав Стрижевскийҙың “Өфө - 450. Кешеләр һәм ҡала” фотокүргәҙмәһе менән дә танышырға була.
