Рәсәй көнбайыштан ҡайһы-бер төр ризыҡ һатып алыуҙы туҡтатты. Ошо ваҡыт эсендә Башҡортостанда өс тапҡырға күберәк аҙыҡ-түлек етештерелә башлаған. Вице-премьер-Ауыл хужалығы министры Илшат Фәзрахманов белдереүенсә, бөгөн республика агросәнәғәт комплексы төп ризыҡ менән халыҡты тулыһынса тәьмин итә. Һөт һәм ит етештереү, йәшелсә, иген, техник культуралар үҫтереү тармаҡтағы төп йүнәлештәр булып тора. Шулай уҡ аҙыҡ-түлек сәнәғәте һәм ауыл хужалығы өсөн машиналар төҙөү тармағы үҫешә.
