Райондан махсус хәрби операция биләмәһенә сираттағы гуманитар ярҙам оҙатылған. Район хакимиәте башлығы Рөстәм Рахманғолов белдереүенсә, ылау Луганск һәм Донецк халыҡ республикалары, Запорожье һәм Херсон өлкәләрендә хәрби бурысын үтәгән һалдаттарға тәғәйенләнә. Стәрлебаш халҡы яҡташтарына электр ҡоралдары, генератор, детектор, рация, дрон һәм мотоциклдар ебәргән. Шулай уҡ аҙыҡ-түлек, кейем һәм шәхси посылкалар оҙатҡан.
