Бөгөн төндә Башҡортостанға Курск өлкәһенән бер төркөм балалар килде. Украина хәрби көстәре һөжүм итеү сәбәпле йортһоҙ ҡалған малай-ҡыҙҙар республика шифаханаларында, лагерҙарҙа ял итәсәк. 34 баланан торған тәүге төркөм Дүртөйлө районынында сәләмәтлектәрен нығытасаҡ. Аҙналыҡ оператив кәңәшмәлә Радий Хәбиров Курск өлкәһенә ярҙам итеү мөһимлеген билдәләгәйне. Был беҙҙең төп маҡсат. Улар әле үтә ауыр хәлдә. Әгәр беҙ шундай шарттарҙа ҡалһаҡ, улар ҙа беҙгә ярҙам итер ине, тине республика башлығы. Балаларҙы мәғариф, һаулыҡ һаҡлау һәм ғәҙәттән тыш хәлдәр министрлығы вәкилдәре оҙатып йөрөй.
