Баш ҡала халҡы махсус контейнерҙарға төрлө ҙурлыҡтағы батарейкалар, электроника аккумуляторҙары, пауэрбанктар, кеҫә телефондары һәм башҡа бәләкәй көнкүреш техникаһын алып килә ала. Дим районы мәҙәниәт һәм ял паркындағы йыйыу нөктәһендә акция 18 авгусҡа тиклем дауам итә. Ҡабул итеү тәүлек әйләнәһенә эшләй, батареялар көндөҙгө сәғәт 12-нән 2-гә тиклем үлсәнелеп, мәғлүмәттәр махсус ведомостҡа теркәлә. «Экология» милли проектында әүҙем ҡатнашыусыларҙы ҡиммәтле бүләктәр көтә. Эшкәртеү өсөн терегөмөшлө әйберҙәр ҡабул ителмәй. Тулыраҡ мәғлүмәт акция банерҙарында.
