Луганск республикаһы балалары Иглин районында экскурсияла

Грант ярҙамында «Беренселәр» хәрәкәте ойошторған программала балаларға башҡорт халҡының мәҙәниәте һәм йолалары тураһында һөйләнеләр, милли аш-һыу тәмләттеләр. Малайҙар мәргәнлектә көс һанашты.

«Беҙгә Башҡортостан буйлап сәйәхәт ойошторолдо, иҫтәлекле урындар, тәбиғәт ресурстарын күрһәттеләр. Беҙ төрлө урындарҙа булдыҡ. Әммә был Башҡортостан байлығының бәләкәй генә өлөшө тинеләр. Беҙ артабан да республика менән тығыҙ хеҙмәттәшлек итергә, уҡыусыларҙы, уҡытыусыларҙы үҙебеҙгә саҡырырға теләйбеҙ. Был хыялды тормошҡа ашырыу өсөн беҙ мотлаҡ Еңеү яуларға тейешбеҙ.

Оксана Подпорина, Луганск халыҡ республикаһының Миусинск ҡалаһының 119-сы мәктәбе уҡытыусыһы

Луганск халыҡ республикаһы балалары Иглин ауылында Виктор Бесценный исемендәге 11-се мәктәптә лә булды, мәктәптең ижади коллективтарының сығышын ҡараны. Обелискта Советтар Союзы Геройына сәскә һалыуҙа ҡатнашты.

«Беҙгә халыҡ бейеүҙәре концертын, халыҡ кәсептәре күргәҙмәһен ҡараныҡ, беҙҙе башҡортса сәләмләнеләр. Күргәҙмәлә «Ете ҡыҙ»ҙың костюмдары оҡшаны. Бөтәбеҙ исеменән саҡырғандары, ҡыҙыҡлы легендаларҙы белергә, милли кейемдәрҙе күрергә, милли аҙыҡты тәмләп ҡарарға мөмкинлек биргәндәре өсөн рәхмәт белдерәм.

Мария Тишенко, Луганск халыҡ республикаһы 119-сы Миусинск мәктәбенең 9-сы класс уҡыусыһы
Выборы 2026
25 лет БСТ
Башбат
Башбат
Нет наркотикам
Волна
БАШКОРТТАР-БСТ