Район хакимиәтенән хәбәр итеүҙәренсә, яугирҙәр өсөн гуманитар ярҙам әҙерләүҙә Үрнәк ауылы эшҡыуарҙары Вил һәм Данияр Ҡыҙырғоловтар, шулай уҡ Айҙар Харисов әүҙемлек күрһәткән. Башҡортостанда алғы һыҙыҡҡа оҙатыу өсөн кәрәк-яраҡ даими туплана. Әйберҙәр һәм шәхси посылкалар Миңлеғәли Шайморатов исемендәге ирекмәндәр штабының төбәк бүләксәләрендә ҡабул ителә. Шулай уҡ “Башсельхозтехника” предприятиеһының келәтендә ҡалдырырға мөмкин. Ул Зубов ауылында урынлашҡан.
