Мобилизация буйынса саҡырылып махсус хәрби операцияла ҡатнашыусылар Оборона министрлығы менән контракт төҙөй. Был турала Республика Башлығы кәңәшсеһе Алик Камалетдинов белдерҙе. Уның әйтеүенсә, контракт төҙөргә теләүселәр күбәйеүе бер тапҡыр бирелә торған түләү арттырылыуы менән бәйле. Башҡортостанда федераль аҡсаны иҫәпкә алғанда, контракт төҙөүсегә 1 миллион 205 мең һум бирелә. Килешеү төҙөү буйынса 122, йә 218-19-19 һандарына шылтыратып белешергә мөмкин.
