Туймазы районы Төмәнәк урта мәктәбе «Иң яҡшы һанлы практика» Бөтә Рәсәй конкурсының «Илдең иң яҡшы һанлы мәктәптәре» номинацияһы призеры. Мәғариф милли проекты сиктәрендә «Үҫеш нөктәһе», инициативалы бюджетлау программаһы буйынса «Hi - tech park» фәнни-инновацион үҙәге, шайморатовсылар класы булған мәктәп ҡаҙаныштары хаҡында БЮТ хәбәрсеһе Гүзәл Борханова яҙмаһында.
«Мәғариф» милли проекты ярҙамында Төмәнәк ауылы мәктәбендә ике йыл элек «Үҫеш нөктәһе» кабинеты булдырылған. Һанлы технологиялар мәғариф усағында белем сифатын күтәреүгә киң юлдар аса. «Инициативалы бюджетлау» проектында ҡатнашыу иһә Төмәнәк ауылы йәштәренә яһалма инттеллект технологияларын өйрәнеп артабан да ошо йүнәлештә юғары белем алыу мөмкинлеге бирәсәк. Шуға күрә заманса һанлы компетенцияларҙы малай-ҡыҙҙар ҙур теләк менән үҙләштерә.
Мәктәп директоры Илдар Хаматов белдереүенсә, 2009-2010 уҡыу йылында бинаға капиталь ремонт эшләнгән.140 уҡыусыға иҫәпләнгән мәғариф учреждениеһында күрше Дарвино, Покровка, Тәрәнйылға, Казнаковка ауылдары балалары ла белем ала. Былтыр сентябрҙә бында «шайморатов» класы асылған.
Башҡортостан башлығы Радий Хәбиров Туймазы районына эш сәфәре барышында Төмәнк ауылы мәктәбендә булып балаларҙың ниндәй шарттарҙа уҡыуын менән ҡыҙыҡһына, улар менән яҡындан аралаша.
Шайморатов кластары асылыу менән мәктәптә уҡытыу кимәле һәм түңәрәктәр эше бермә-бер йәнләнгән. Уҡыусыларҙың да белемгә ынтылышы артҡан. Балалар төрлө спорт, патриотик, белем биреү сараларында әүҙем ҡатнаша. Яңы уҡыу йылынан мәктәптә тағы ла бер Шайморатов класы асыласаҡ. Бынан тыш, һөнәри ориентация эше лә яйға һалынған - агрокластар булдырылған
Ярты быуаттан ашыу элек төҙөлгән мәктәптә капиталь ремонт үткәрелгән, стеналар, иҙәндәр яңыртылған, яңы төкөтмәлә спорт залы йыһазландырылған. Малай-ҡыҙҙар Белем көнөн түҙемһеҙләнеп көтә. Уҡытыусылар фекеренсә, уҡыусыларға тырышып уғырға ғына ҡала.
Гүзәл Борханова
