Баймаҡ ҡала һәм районының клиенттарҙы хеҙмәтләндереү бинаһында урынлашҡан оло йәштәгеләрҙең аралашыу үҙәге - хаҡлы ялдағыларҙың һәләтен асыу, яңы ҡыҙыҡһыныуҙар табыу өсөн бик уңай. Был хаҡта тулыраҡ киләһе яҙмала.
Һигеҙ ай элек асылған ололарҙың аралашыу үҙәгенән кеше өҙөлмәй.Төрлө осрашыуҙар, кисәләр үтә. Үҙәктә бөгөнгө көндә 7 түңәрәк эшләй. Хаҡлы ялдағылар бында үҙҙәренең тиңдәштәре менән аралаша, кемдер яңы һәләтен аса.
Мәғариф ветераны, оҙаҡ йылдар Баймаҡ лицей -интернатында тәрбиәсе булып эшләп хаҡлы ялға сыҡҡан Зөһрә Фәйзуллина үҙәккә теләп йөрөй. Әле шашка-шахмат уйнау серҙәренә төшөнә. Ҡасандыр хыялында ғына йөрөткән уйын тормошҡа ашыра алыуына ханым ҡыуана.
Риза Үтәев - Шашка‐шахмат оҫтаһы. Хәҙер ул теләге булғандарҙың барыһын да ихлас өйрәтә. Мауыҡтырғыс,фекерләү талап иткән был уйын түңәрәгенә әле 10 кеше йөрөй. Улар араһында район кимәлендәге спартакиадаларҙа ҡатнашып уңышҡа өлгәшеүселәр ҙә бар
