Республика Башлығы янындағы милләт-ара мөнәсәбәттәр буйынса советтың эксперт комиссияһы тәүге ултырыш уҙғарҙы. Ул Мәҙәниәт министрлығының Гуманитар тикшеренеүҙәр үҙәгендә үтте. Ултырышта эксперт комиссияһы эшен ойоштороу, быйылға һәм киләһе йылға эш планы ҡаралды. - Башҡортостан биләмәһендә милләт-ара мөнәсәбәттәр өлкәһендә тәҡдимдәр әҙерләү буйынса мөһим бурыс ҡуйыла. Улар дәүләт милли сәйәсәтен ғәмәлгә ашырыуҙы камиллаштырырға тейеш, - тине Гуманитар тикшеренеүҙәр үҙәге директоры Марат Мәрҙәнов.
