Бөгөн Рәсәй Геройы Миңлеғәли Шайморатовтың тыуыуына 125 йыл. Ошо уңайҙан БСТ телеканалында легендар командирға арналған марафон үтә. Бөйөк полководец хаҡында фильмдар күрһәтелә, уның тормошо һәм хәрби юлына бағышланған һөйләшеүҙәр ойошторола. Тапшырыуҙа махсус хәрби операция һалдаттары ла ҡатнаша. Белгород өлкәһенән "Граф" ҡушаматлы яугир Миңлеғәли Шайморатов исемендәге башҡорт батальонында хеҙмәт итә. Ул рота фельдшеры. "Граф"тың олатаһы Бөйөк Ватан һуғышында ҡатнаша. “Мин дә ул үткән юлдарҙан атлайым”, - ти яугир.
