Сарала 30 илдән вәкилдәр ҡатнаша. Форумдың төп өлөшө Өфөлә “Торатау” Конгресс-холында уҙа. Йыйында глобаль үҫеш һәм хәүефһеҙлекте булдырыуҙа йәштәр дипломатияһы әһәмиәте тигән мәсьәлә күтәрелә. Республика Башлығы Радий Хәбиров әйтеүенсә, йәштәр араһында хеҙмәттәшлек илдәр араһында дуҫлыҡты нығытырға мөмкинлек бирә.
Өфөлә БРИКС илдәренән Йәш дипломаттар форумы өс көн дауам итә. Уның барышында Рәсәй Сит ил эштәре министрлығы вәкилдәре, сәйәсмәндәр һәм эксперттар менән осрашыуҙар үтә.
