Өфөнөң күркәм юбилейына бәйле, бөгөн концерт программалары баш ҡаланың тағы ла ике майҙансығында үтте. Рус Дәүләт академия драма театры алдындағы майҙанда байрам саралары мәҫәлән, көн дауамында барҙы. Киске сәғәттәрҙә Рәсәйҙең милли гвардия ғәскәрҙәренең өлгөлө-үрнәк оркестры оҙатыуында илдең билдәле йырсылары сығыш яһаны. Бында сараның хендлайнерынан Олег Газманов, ә Черниковка биҫтәһен Полина Гагарина сәләмләне. Олег Газмановҡа Башҡортосандың юғары наградаларының береһе - Халыҡтар Дуҫлығы ордены тапшырылды.
Әйткәндәй, Рәсәй эстрадаһы йырсыһы Полина Гагарина бөгөндән, йәғни Өфөнөң 450 йыллығы билдәләнгән көндән, Башҡортостандың халыҡ артисы исемен йөрөтә. Юғары дәүләт наградаһы бирелеүе тураһында указҡа республика башлығы Радий Хәбиров ҡул ҡуйҙы. Донъя кимәлендә үҙ тамашасыһын тапҡан Полина Гагарина үҙ сиратында Өфөнө күркәм юбилейы менән тәбрикләп, матур теләктәрҙә ҡалды.
