Һайлау көндәрендә - 6 cентябрҙән 8-нә тиклем Башҡортостанда «Рәхмәт» акцияһы үтә. Төбәктә һайлау участкаларына килеп тауыш биреүселәргә партнерҙарҙың тауарҙары һәм хеҙмәттәренә ташлама хоҡуғы биргән беләҙек һәм уникаль код менән QR-билет таратыла. Һуңғыһы һәр ғаилә ағзаһына, шул иҫәптән балаларға ла бирелә. Уның ярҙамында рахмат102.рф сайтында мотлаҡ теркәү үтергә кәрәк. Барлығы өс йөҙҙән ашыу бүләк әҙерләнгән, еңеүселәр көн һайын билдәләнә. Төп приз - фатир, автомобиль, квадроцикл, Сочиға путевка отоусылар иһә 13 сентябрҙә БСТ каналының «Сәләм» тапшырыуы эфирында асыҡлана.
