“Бәләкәй Ватан – ҙур ил” тигән проект былтыр беренсегә ойошторолдо. Уны “Тархан” туроператоры иғлан итте. Конкурста республика ҡалалары һәм райондарынан 4 меңдән ашыу бала ҡатнашты. Быйыл ул төбәк-ара кимәлгә сыҡты. Унда Мәскәү, Свердловск, Воронеж өлкәләре, Мәскәү ҡалаһынан мәктәп уҡыусылары ҡушылды. Йыл дауамында балалар командалары тыуған яҡ тарихы, мәҙәниәте, йолаларға бәйле һорауҙарға яуап бирә, төрлө уйындарҙа ҡатнаша.
