Йыл башынан 273 миллиард һум инвестиция йәлеп ителгән. Был күрһәткес уҙған йылдың ошо осоро менән сағыштырғанда 26 процентҡа күберәк. Башҡортостан башлығы Радий Хәбиров ҡушыуы буйынса, беренсе июлдән инвесторҙарға яңы шарттар тәҡдим ителде. Уға ярашлы проектҡа өҫтөнлөклө статус алыу тәртибе ябайлашты. Ҡуртымға ер биреү шарты ла еңеләйҙе. Бынан тыш, инвестиция йәлеп иткән эшҡыуарҙарға һалым ташламалары һаҡлана һәм субсидиялар бирелә.
