Күмертау ҡалаһының 3-cө башҡорт республика гимназия-интернаты биләмәһендә Башҡортостандың беренсе президенты Мортаза Рәхимовҡа бюст асылды. Белем усағы ла күренекле дәүләт эшмәкәре исемен йөрөтә. Мәғариф учреждениеһында быйыл ил президенты иғлан иткән федераль программа буйынса күләмле төҙөкләндереү эштәре башҡарылған, яңы ҡорамалдар, мебель һатып алынған.
