Юлдағы ауырлыҡ контролен дәүләт номерҙарын ҡаплап үткән йөк автомобилдәре хужаларының лицензияһы тартып алынасаҡ.
Ҡырмыҫҡалы районы Ҡабаҡ ауылы эргәһендәге карьерҙан ҡом һәм ҡырсынташ ташыусы йөк автомобилдәре Ольховое ауылы янындағы ауырлыҡ контролен дәүләт номерҙарын йәшереп үтә. Ҡом тейәгән йөк автомобилдәре ауырлыҡ контроленә барып етер алдынан машинаның дәүләт номерҙарын ҡаплай, уны үткәс кире ҡуя. Башҡортостандың Тәбиғәттән файҙаланыу һәм экология министрлығы ведомство-ара комиссия сиктәрендә был фактты асыҡлауҙа көн һайын тиерлек рейд үтәкәрә. Артыҡ йөк тейәгән машиналар асфальт ҡатламын боҙа. Номерҙы ҡаплаған өсөн штраф 5000 һум булһа, йөктө арттырып тейәгән өсөн штраф юридик ойошмалар өсөн 100 мең һумдан 500 мең һумға тиклем барып баҫа.
