Башҡорт дәүләт медицина университетында урынлашҡан 105-се һайлау участкаһында ла республика башлығы өсөн тауыш биреү ойошҡанлыҡ менән бара. Участкала бөтәһе ике меңдән ашыу һайлаусы теркәлгән, уларҙың күбеһе студенттар.
Башҡорт дәүләт медицина университеты корпусындағы һайлау участкаһына халыҡ иртәнге һигеҙҙән килә. Лекцияларҙан һуң тәнәфес ваҡытында студенттар сират тороп тауыш бирә. Беренсе курстарҙың күбеһе райондарҙан, шуға ла улар сәйәси кампанияла мобиль һайлаусы системаһы буйынса ҡатнаша.
Медицина университеты уҡытыусылары ла гражданлыҡ бурысын бында үтәй. Медицина өлкәһендәге бөтә ҡаҙаныштар республика халҡы сәләмәтлеге өсөн һәм төбәктең киләсәге артабан да ышаныслы етәксе ҡулында булырға тейеш, ти улар.
Юғары уҡыу йорто ректоры, Өфөнөң почетлы гражданины Валентин Павлов та республика башлығы өсөн тауыш бирҙе. Ректор әйтеүенсә, тәүге көндә университет студенттарының яртыһы һайлауҙа ҡатнашып өлөгөргән.
Һайлаусылар өсөн 10-сы корпус алдындағы майҙанда студенттар концерт программаһы менән сығыш яһаны.
Рәмилә Исмәғилева
