Быйыл беренсе тапҡыр илебеҙҙең баш ҡалаһындағы республиканың тулы хоҡуҡлы вәкиллегендә һайлау участкаһы ойошторолған. Унда командировкала, сәйәхәттә булған яҡташтарыбыҙ һәм белем алған студенттар тауыш бирә ала. 3550-се һайлау участкаһы рәйесе Илшат Рәхмәтуллин.
Баш ҡала госпиталдәрендә дауаланыу үткән махсус хәрби операцияла ҡатнашыусылар ҙа һайлауҙа ҡатнаша. Тауыш биреүгә ғариза тапшырған ватан һаҡсыларына һайлау комиссияһы ағзалары дауаланыу учреждениеларына бара. “Берҙәм республика һәм ил тыныслығы өсөн тауышымды бирҙем”, ти Александр исемле яугир.
