Халыҡ-ара сарала Беларусь, Әзербайжан, Төркмәнстан, Тажикстан, Ҡырғыҙстан, Үзбәкстан һәм Рәсәйҙең башҡа төбәктәренән делегациялар ҡатнашты. Мәҙәниәт эшмәкәрҙәрен, ижади берләшмәләр, ведомство етәкселәрен берләштергән форумда хеҙмәттәшлек буйынса яңы йүнәлештәр билдәләнде, резолюция ҡабул ителде. Бойондороҡһоҙ дәүләттәр берләшмәһе сиктәрендә йәштәрҙең белемен камиллаштырыу өсөн һанлы платформа ойоштороу, әүҙем ирекмәндәргә махсус премия булдырыу, хеҙмәттәшлекте арттырыу маҡсаттары билдәләнде.
