Өфөнөң «Ҡашҡаҙан» паркында «Һөт иле, баллы баш ҡала» фестиваленең икенсе көнөндә майҙанға килеүселәр бушлай туңдырма менән һыйланды. Акцияның шарты буйынса һәр кемгә берәр туңдырма эләкте. Фестивалгә килеүсе бер кем дә туңдырмаһыҙ ҡайтып китмәне. Тәмлекәсте етештереүселәр белдереүенсә, башҡорт туңдырмаһы тик сифатлы һөттән генә етештерелә. Байрамға килеүселәрҙең кәйефен күтәреү, шатлыҡ бүләк итеүгә ҡоролған акция иртәнән кискә тиклем дауам итте.
