Баш ҡалала форум ойошторола. Унда мәғариф хеҙмәткәрҙәре, фән белгестәре, власть органдары вәкилдәре ҡатнаша. Ил төбәктәренән, Беларусь, Ҡытай һәм Ҡаҙағстандан ҡунаҡтар килеүе көтөлә. ВУЗ-ара кампуста машина эшләү, инновациялар, нефть-газ тармағын үҫтереү, иҡтисадтың реаль секторында ғалимдарҙың асышын ҡулланыуға арналған фекер алышыу була. Башҡортостан башлығы хакимиәте етәксеһе Максим Забелин ошо турала белдерҙе. Эшлекле йыйын 24-25 октябрҙә үтә. “Ул фәнгә яңы таланттарҙы йәлеп итергә мөмкинлек биреренә, республиканың фәнни-технологик үҫешендә яңы баҫҡыс булырына ышанам”, - тип яҙған социаль селтәрҙә Максим Забелин.
