Шишмә районында ошо мәсьәлә буйына кәңәшмә үтте, тип хәбәр итә Тәбиғәттән файҙаланыу һәм экология министры вазифаһын башҡарыусы Нияз Фазылов. "Экология" милли проекты буйынса эштәр 2022 йылда уҡ башланған. Бөгөнгә йылға төбөн таҙартыу тамамланған, әле сығарылған сүпте ташыу эштәре бара. 35 километр арауыҡ тәртипкә килтерелгән. Билдәләнгән планды 1 ноябргә тиклем теүәлләү маҡсаты ҡуйылған. Таҙартылған һыуға яҡын ауылдарҙа 6 меңгә яҡын кеше йәшәй.
