Нөркәй ауылында “Илһөйәрҙәр” штабы волонтерҙары 400-ҙән ашыу маскировка селтәре үргән. “Фронтҡа даими ярҙам итәбеҙ. Селтәр үргән өсөн материалды хәйриә аҡсаһына һатып алабыҙ. Миҙгелгә ярашлы төҫтәр һайлайбыҙ”, - ти ирекмәндәр Филизә Ғәбиҙуллина һәм Зөлфиә Йосопова.
Ирекмәндәр яугирҙарҙар өсөн гуманитар ярҙам туплауҙа ла әүҙем ҡатнаша. Кәрәк-яраҡтар хәрбиҙәрҙең заказы буйынса әҙерләнә. “Һалдаттарҙы йәшерер өҫ кейеме лә тегәбеҙ”, - ти ирекмән Рүзилә Родичева.
Әле Нөркәй ауылындағы ирекмәндәр төркөмө 15 кешенән тора. Улар хаҡлы ялдағы ҡатындар. “Еңеү тылда сүкелә. Изге эшкә ҡушылыусылар күберәк булһа, ул тиҙерәк яуланасаҡ”, - тигән фекерҙә волонтерҙар.
