Республика Башлығы ошо турала Телеграмм каналында белдергән. “Башҡортостанда быйыл федераль программа буйынса 6 белем биреү учреждениеһы яңыртылды. Киләһе йылда тағы 25 мәктәптә капиталь ремонт тамамлана. Ике йыл эсендә 140 белем усағы тәртипкә килтерелде. Дөйөм алғанда уларҙа 37 мең 600 бала уҡый. Артабан да иҫкергән биналарҙы яңыртыу дауам итә. Балалар баҡсалары һәм колледждар өсөн ил кимәлендә яңы программалар әҙерләнә”, - тип билдәләгән Радий Хәбиров.
