«Өфө-арена» эргәһендәге майҙанда хәрбиҙәрҙе оҙатыу тантанаһы үтте. Уларҙың күбеһе мобилизация буйынса Ватан һағына баҫҡан. Хәрби комиссариат, ҡала хакимиәте вәкилдәре, дин әһелдәре үҙ сығыштарында ил мәнфәғәтен яҡлап хәрби бурыс үтәгән яҡташтарыбыҙҙың ҡаһарманлыҡ, илһөйәрлек өлгөһө булыуын билдәләп, имен ҡайтыуҙарын теләне. Яугирҙарҙың күбеһе отпускыһын ғаиләһе эргәһендә уҙғарған, көнкүреш эштәр менән булған.
Хәтерегеҙгә төшөрәбеҙ, контрактты 65 йәшкә тиклемге ир-егеттәр төҙөй ала. Оборона Министрлығы менән килешеү төҙөгән Башҡортостан хәрбиҙәренә федераль түләүҙәр менән бергә йылына 3 миллион 725 мең һум аҡса түләнә. Тулыраҡ мәғлүмәтте Ситуация үҙәгенә 122 һандары буйынса шылтыратып, шулай уҡ күп функциялы үҙәктәрҙә, хәрби хеҙмәткә һайлап алыу пунктарында белергә мөмкин.
