Унда йыл һайын 7 мең ҡыҙ һәм малайға социаль реабилитация үткәреү ҡарала. Балалар бында шулай уҡ дауалана һәм мәғариф үҙәгендә уҡый ала. “Ата-әсәләргә лә ярҙам күрһәтелә”, - тип белдерҙе хөкүмәттә уҙған оператив кәңәшмәлә премьер-министрҙың беренсе урынбаҫары вазифаһын башҡарыусы Урал Килсенбаев.
Өфөлә медицина һәм реабилитация үҙәктәре белгестәре ҡатнашлығында семинар ойошторолдо. Унда федераль спикерҙар ҙа ҡатнашты. Киләсәктә Башҡорт дәүләт медицина һәм педагогия университеттарында коррекция педагогикаһы буйынса кафедралар булдырыу ҡарала, тине Урал Килсенбаев.
