Өфөлә Мәшғүллек үҙәге махсус хәрби операцияла ҡатнашыусыларҙың тормош иптәштәре өсөн семинар ойошторҙо. Саралар ай һайын үтә һәм ҡатмарлы тормош шарттарында ҡалған ҡатын-ҡыҙҙарға психологик ярҙам күрһәтеүҙе маҡсат итеп ҡуя. Ноябрь һәм декабрҙә үтәсәк бушлай семинарҙарға әле теркәлергә мөмкин. Психолог менән әңгәмәләрҙән тыш, Ҡатын-ҡыҙҙар клубы ағзаларына һөнәрен алмаштырыу буйынса ла ярҙам күрһәтелә. Мәшғүллек үҙәге уларға эш урыны табырға ла ярҙам итергә әҙер.
