Өфөлә «Формалашып барған күп полярлы донъяла Рәсәй: киләсәк тураһында уйланыу» тип исемләнгән халыҡ-ара ғилми-ғәмәли конференция үтә. Күләмле сара Башҡортостан Хөкүмәте тарафынан Коллектив хәүефһеҙлек тураһында килешеү ойошмаһы секретариаты ярҙамында уҙғарыла. Көнүҙәк мәсьәлә булараҡ 2030 йылға тиклемге осорға Рәсәй үҫешендә милли маҡсаттарға ирешеү, халыҡ-ара бәйләнештәрҙе яңыса булдырыу, яҡтар өсөн хәүефһеҙ, тигеҙ хоҡуҡлы, отошло хеҙмәттәшлекте үҫтереү, террорға ҡаршы, законһыҙ миграция менән көрәш мәсьәләләре сығарылды. Сара сиктәрендә башҡарма власть органдары менән берлектә «Күп полярлы донъя ҡоролошо: социаль-консерватив ҡараш» темаһына пленар ултырыш үтте.
Конференция сиктәрендә бөгөнгө шарттарҙа инвестиция һәм кредит сәйәсәте, финанс институттарҙың тәҡдимдәре, юғары ставкаларға бәйле фекер алышыу ҙа булды. Шулай уҡ төрлө өлкә белгестәре «Евразия биләмәһенең тотороҡло үҫешен формалаштырыуҙа халыҡ-ара кимәлдәге тәбиғи һәм мәҙәни мираҫ объекттары» темаһына секцияла ҡатнашты.
Ғилми-ғәмәли конференцияла ҡатнашыусылар Өфөнөң Ботаника баҡсаһында рододендрон даурский үҫентеһен ултыртыуҙа ла ҡатнашты. Был ҡыуаҡлыҡ тормош ныҡлығы һәм әүҙемлек символы һанала. Социаль-консерватив сәйәсәт үҙәгенең 20 йыллығына арналған экологик акцияла Халыҡ-ара кимәлдә уҙғарылған сара ойоштороусылары ҡатнашып, союздаш дәүләттәрҙә ағас ултыртыу кеүек ошондай изге башланғыстар дауам итәсәк тине.
