Республикала "Бәхетле табип" тигән мәғариф программаһы ғәмәлгә ашырыла. Уны Туймазы медицина колледжы ойошторған. Маҡсат - балаларҙы шәфҡәт туташы һөнәре менән таныштырыу. Программа бер йылға иҫәпләнгән. Балаларға уйын рәүешендә сәләмәт тормош алып барыу, беренсе ярҙам күрһәтеү буйынса кәңәштәр бирелә. Был турала Һаулыҡ һаҡлау министры вазифаһын башҡарыусы Айрат Рәхмәтуллин белдерҙе.
