Башҡортостан Хөкүмәте премьер-министрының беренсе урынбаҫары вазифаһын башҡарыусы Урал Килсенбаев һәм Һаулыҡ һаҡлау министры вазифаһын башҡарыусы Айрат Рәхмәтуллин Республика көнө алдынан табиптарға дәүләт наградаларын тапшырҙы. “Көндәлек һәм еңел булмаған хеҙмәтегеҙ өсөн рәхмәт белдерәбеҙ. Һуңғы алты йыл беҙҙең өсөн еңелдән булманы. Тәүҙә ковид менән сораштыҡ. Медицина хеҙмәткәрҙәре ҡуйылған бурыстарҙы яҡшы үтәй. Улар үҙ һаулығын ҡурҡыныс аҫтына ҡуйып, пациенттарҙың ғүмерен ҡотҡара. Махсус хәрби операция башланғандың тәүге көндәренән табиптар һәм шәфҡәт туташтары яугирҙарға һәм урындағы халыҡтың һаулығы һағында тора ”, тип билдәләне Урал Килсенбаев.
