Башҡортостан башлығы Радий Хәбиров Берләшкән Ғәрәп Әмирлектәре Йыллыҡ инвестиция йыйылышы генераль директоры Вәлид Фаргал менән осрашты. Эшлекле һөйләшеүҙә дәүләт-ара хеҙмәттәшлекте киңәйтеү юлдары иғтибарға алынды. 2025 йылдың апрелендә Абу-Дабиҙа үтәсәк инвесторҙар форумында Башҡортостан иҡтисади потенциалын презентациялау тәҡдиме еткерелде. Вәлид Фаргал Башҡортостан делегацияһын форум сиктәрендә түңәрәк өҫтәлдә инвесторҙар, бизнес вәкилдәре менән ике яҡлы һөйләшеүҙәрҙә ҡатнашырға саҡырҙы.
