Был тема "Транспорт сәғәте" кәңәшмәһендә ҡаралды. - Трамвай - яҡшы, экологик яҡтан таҙа транспорт. Оҙаҡ ваҡыт уға иғтибар булманы. Транспорт, трамвай юлдары сифаты буйынса етешһеҙлектәр бар, тине Республика Башлығы Радий Хәбиров.
Трамвай инфраструктураһын яңыртыу буйынса ҙур проект ҡаланың көньяғында 8 километр юлды яңыртыуҙан башлана. Ремонт киләһе йылда планлаштырыла. Бынан тыш Өфөгә Мәскәүҙән 69 трамвай килтерелә. Тәүгеләре йөрөй башлаған, ноябрь аҙағына тиклем тағы 19 вагон килеп етергә тейеш.
