Тантаналы сара “Рәсәй – спорт державаһы” халыҡ-ара форум барышында ойошторолдо. Унда Рәсәй хөкүмәте вице-премьеры Дмитрий Чернышенко һәм Спорт министры Михаил Дегтярев ҡатнашты. “Фехтование үҙәгендә көслө спортсылар әҙерләнәсәк”, - тип белдерҙе вице-премьер Дмитрий Чернышенко.
"Яңы үҙәк республика һәм ил өсөн мөһим объект. Бында яңы чемпиондар үҫер, улар халыҡ-ара ярыштарҙа Рәсәй данын яҡлар”, - тигән фекерҙә йәш спортсы Әмирә Мостаеваның атаһы Азат Мостаев.
Фехтование үҙәгендә 28 юл йыһазландырылған. 400-гә яҡын тамашасыға иҫәпләнгән зал, тренажер бүлмәләре, бассейн һәм күнекмәләр урыны булдырылған.
