Программала ултырыштар, түңәрәк өҫтәл, мәҙәни һәм спорт саралары ҡаралған. “Беҙ һәр ваҡыт бер команда”. Рәсәй олимпия комитеты президенты Станислов Поздняков шулай тип белдерҙе. Ул Рәсәй олимпия комитеты спортсылары комиссияһы ултырышында сығыш яһаны.
Башҡортостан башлығы республика өсөн спорт форумының әһәмиәтен билдәләне. Радий Хәбиров “Рәсәй – спорт державаһы” халыҡ-ара конгресы барышында “Рәсәй 24” телеканалына интервью бирҙе. “Форум спорт өлкәһендә йылдың иң мөһим ваҡиғаһы”, - тине республика етәксеһе.
Бөгөн "Киләсәк уйындары трофейының юлы" тигән халыҡ-ара спорт проект старт алды. УАЗ автомобилдәре кортежы Рәсәйҙән 2025 йылда Киләсәк уйындарын ҡабул итеүсе Берләшкән ғәрәп әмирлектәренә тиклем бара. Юлдың тәүге этабы Өфөлә башлана. "Рәсәй - спорт державаһы" форумы 19 октябргә тиклем дауам итә.
