Ил президенты аҙ тәьмин ителгән һәм күп балалы ғаиләләрҙәге балалар өсөн спорт дәрестәрен бушлай ойошторорға ҡушты. Владимир Путин был турала “Рәсәй- спот державаһы” форумы барышындағы физик культураны һәм спортты үҫтереү буйынса Совет ултырышында белдерҙе.
Владимир Путин шулай уҡ балалар нормативтарын тапшырған һәм разрядтар алғанда түләүҙәрҙе бөтөрөргә ҡушты.
Рәсәйҙә 76 миллионға яҡын кеше даими спорт менән шөғөлләнә. Башҡортостанда уларҙың һаны 2 миллиондан ашыу.
