“Төп маҡсат махсус хәрби операцияға ярҙам итеү, яугирҙар һәм уларҙың яҡындарын хәстәрләү”, - тине Башҡортостан башлығы.
Радий Хәбиров Владимир Путинға шулай уҡ иҡтисад, сәнәғәт һәм ауыл хужалығындағы уңыштар тураһында һөйләне. Президент айырым иғтибар кәрәк булған йүнәлештәрҙе атаны. Уларҙың береһе ашығыс медицина ярҙамы өсөн кадрҙар әҙерләү мәсьәләһе. “Бергәләп эшләйбеҙ, ҡуйылған бурыстар мотлаҡ үтәләсәк. Башҡортостан илдең ныҡлы һәм ышаныслы терәге. Киләсәктә лә шулай буласаҡ”, - тине Радий Хәбиров.
