Ул мәктәп һәм йәш һәүәҫкәр театрҙар өсөн тәғәйенләнгән. Иң көслө ижади коллективтар ошо көндәрҙә баһалама комиссия алдында сығыш яһай. Жюри составына - республиканың танылған актерҙары һәм режисерҙары инә. Һайлап алыу туры башта онлайн форматта үткән. Республика район-ҡалаларынан йәмғеһе 22 ижади төркөм үҙ эштәрен ебәргән.
Быйыл фестиваль дүртенсе тапҡыр уҙа. Иң яҡшы тип танылған йәштәр театры республика данын округ кимәлендә яҡлаясаҡ.
