Ҡаҙағстан туризм һәм спорт министры Ербол Мырзабосынов республика халҡын Өфөнөң 450 йыллығы менән ҡотланы. - Был көндәрҙә "Рәсәй-спорт державаһы" форумы үтә. Ул тәжрибә уртаҡлашыу, көнүҙәк мәсьәләләр буйынса фекер алышыу өсөн мөһим майҙансыҡ булып тора. Беҙҙең халыҡтарҙы дөйөм тарих, мәҙәниәт һәм йолалар берләштерә, - тине Ербол Мырзабосынов. Республика Башлығы Радий Хәбиров Ҡаҙағстан вәкилдәрен ноябрь аҙағында Өфөлә үтәсәк Рәсәй һәм Ҡаҙағстан төбәк-ара хеҙмәттәшлек форумында ҡатнашырға саҡырҙы.
