Башҡортостан яугирҙары ҡыҫҡа ялдан һуң йәнә махсус операция биләмәһенә юлланды.Бөгөн уларҙы “Өфө- Арена” спорт һарайы майҙанынан яҡындары һәм туғандары оҙатты.
“Һәр ир-егет тыуған илен, ерен һаҡларға бурыслы. Беҙ уны үтәйбеҙ. Барыһы ла яҡшы буласаҡ”, ти яугирҙар.
“Ир-егеттәр Ватан алдындағы бурысты намыҫ менән үтәй”, тип белдерҙе үҙенең сығышында Башҡортостан Хөкүмәте Премьер-министры урынбаҫары вазифаһын башҡарыусы Ирек Сәғитов.
Ир-егеттәрҙе хеҙмәт урынына махсус автобустар алып бара. Транспорт саралары маршруты Республика Башлығы Радий Хәбиров ҡушыуы буйынса ойошторола.
