Өфөнөң Ҡурсаҡ театрында һуҡырҙар өсөн Владимир Железниковтың әҫәре буйынса «Чучело» спектакле күрһәтелде. Был хата түгел, үҙенсәлекле тамашаны Диана Гурцкаяның Социаль интеграция үҙәге режиссерҙары әҙерләгән. Тамашасылар спектаклде күҙ менән түгел, ә тауыш, еҫ, тактиль тойғолар аша ҡабул итә. Сара «Ҡаршылыҡтарҙы еңеп» форумы сиктәрендә уҙғарылды. 6D форматындағы спектаклгә һуҡыр булмаған тамашасылар ҙа килә ала, тик уларға ҡара битлек кейҙерелә. Бындай спектаклдәр бөтә илдә бик һирәк үткәрелә.
