Мәжит Ғафури исемендәге Башҡорт академия драма театрында Башҡортостандың халыҡ артисы Азамат Ғафаровтың бенефисы үтте. Сәхнә оҫтаһының 50 йәшлек юбилейына яҙыусы Венер Исхаҡовтың «Йырланмаған йырым һин» тип исемләнгән әҫәре сәхнәләштерелде. Спектакль кешеләрҙең тормошо, уларҙың һөйөү, күңел кисерештәре һәм өмөттәре хаҡында. Премьера алдынан театр фойеһында юбилярҙы тәбрикләү тантанаһы үтте.
