Фәйзи Ғәскәров исемендәге дәүләт академия халыҡ бейеүҙәре ансамбленең Рәсәй ҡалалары буйлап гастролдәре дауам итә. Был юлы ижади сәфәр ансамблдең 85 йыллығына арнала. Юбилей концертына коллектив етди әҙерләнә. Алтын фондҡа ингән бейеүҙәрҙе лә яңынан сәхнәләштерә. Бейеүселәр әйтеүенсә, тулҡынланыу булһа ла, Мәскәү тамашасыһы һәр ваҡыт йылы ҡаршылай, шуға күрә концерт юғары кимәлдә үтә.
